АҚШ Иранмен текетіресте жеңіліп жатыр — сенатор мәлімдеді
Сарапшылар Тегеранның ядролық бағдарламасын толық тоқтату мүмкін емес екенін алға тартады.
SMARTNEWS.KZ басылымының хабарлауынша, АҚШ сенаторы Крис Мерфи Иранға қарсы жүргізіліп жатқан әскери саясаттың нәтижесіз екенін мәлімдеді. Оның сөзінше, қазіргі текетіресте Вашингтон айқын басымдыққа ие емес, керісінше ұтылып бара жатыр.
Сенатордың бағалауынша, АҚШ Иранның зымырандық және ұшқышсыз аппараттар әлеуетін толық жоя алмайды. Сонымен қатар Тегеранның ядролық бағдарламасын түбегейлі тоқтату да шынайы мақсатқа ұқсамайды.
Керісінше, Иран аймақтағы позициясын күшейтіп отыр. Әсіресе, стратегиялық маңызы зор Ормуз бұғазын бақылау арқылы оның ықпалы артып келеді. Бұл өз кезегінде әлемдік энергетикалық қауіпсіздікке де әсер етуі мүмкін.
Крис Мерфи бұл қақтығыс АҚШ үшін миллиардтаған қаржылық шығынға айналғанын атап өтті. Оның пікірінше, әскери әрекеттер жаһандық тұрақсыздықты күшейтіп, елдің халықаралық беделіне де кері әсер етуде.
Материал авторы
