Атырауда қайыр сұраушылар көбейді деп тұрғындар дабыл қағуда
Кейбір жағдайларда бас тартқан адамдарға қысым көрсетіліп, жанжал туындаған.
SMARTNEWS.KZ басылымының хабарлауынша, Атырауда тұрғындар базарлар мен қоғамдық орындарда қайыр сұрайтындардың көбейгеніне алаңдаулы. Қала тұрғындарының айтуынша, соңғы уақытта адамдар, әсіресе балаларын ертіп шыққандар, өтіп бара жатқан жұртқа жақындап, табанды түрде ақша сұрайтын болған. Бұл туралы АқЖайық басылымы жазды.
Куәгерлердің сөзінше, кей жағдайда бас тартқан адамдарға қысым көрсетіліп, дауыс көтеру, тіпті жанжал туындату әрекеттері байқалады. Бұл жағдай қала тұрғындарының наразылығын күшейтіп отыр.
Тұрғындар қайыр сұраушылар арасында шетелден келген азаматтардың да жиілеп кеткенін айтады. Әсіресе мұндай көріністердің күндіз, көпшілік көз алдында, балалардың жанында орын алуы қоғамның алаңдаушылығын арттырған.
Әлеуметтік желілерде атыраулықтар базарлар мен қоғамдық кеңістіктерде бақылауды күшейтуді талап етуде. Олар мұндай жағдайлардың алдын алу үшін нақты шаралар қажет екенін алға тартады.
Жарияланым сәтінде құқық қорғау органдары бұл мәселеге қатысты ресми түсініктеме берген жоқ.
Материал авторы
