8,1 млрд доллар: Назарбаевтың қыздары елдегі ең бай әйелдер тізіміне кірді

SMARTNEWS.KZ басылымының хабарлауынша, Forbes Women Kazakhstan Қазақстандағы ең ауқатты әйелдердің алғашқы ресми рейтингін жариялады. Тізім елдегі ірі капитал иелерінің шоғырлануын айқын көрсетіп отыр.

Жалпы есеп бойынша рейтингке енген әйелдердің жиынтық байлығы шамамен 8,1 млрд долларды құрайды. Алайда капиталдың бөлінісі біркелкі емес: қаражаттың жартысынан астамы бір адамның үлесінде, ал алғашқы бестік жалпы байлықтың 87%-ын бақылайды.

Рейтингте негізгі орындарды елдегі ықпалды бизнес әулеттермен байланысты тұлғалар иеленген. Ең бай әйел ретінде Динара Құлыбаева көрсетілген — оның байлығы 5,4 млрд доллар деп бағаланады. Одан кейін Мукадасхан Ибрагимова (650 млн доллар) және Дариға Назарбаева (550 млн доллар) тұр.

Байлық көлемі бойынша тізім мынадай ретпен жалғасады:

– Анжела Сарсенова — Helios жанармай желісі, бөлшек сауда — 249 млн доллар

– Айжан Есім — «Қазфосфат» экс-акционері — 207 млн доллар

– Айдан Сүлейменова — девелопмент және Viled ритейлі — 175 млн доллар

– Қаншаим Сейтжанова және Жанна Сейтжанова — мұнай-газ және өнеркәсіп — 84 млн доллар

– Алена Сүлейменова — Viled ритейлі — 73 млн доллар

– Гаухар Қаппарова — Lancaster Group — 65 млн доллар

– Гүлнар Досаева — Lancaster Group — 61 млн доллар

– Раушан Сағдиева — жылжымайтын мүлік және ритейл — 57 млн доллар

– Ирина Козлова және Александра Соколова — ломбард және қаржы саласы — 52 млн доллар

– Любовь Дружинина — сүт өнеркәсібі — 50 млн доллар

– Сәуле Сейсембаева — агробизнес және білім беру — 48 млн доллар

– Элеонора Баталова — «Алматыкітап» баспасы — 44 млн доллар

– Карина Сарсенова — медиа және девелопмент — 42 млн доллар

– Әлия Маханова — ломбард бизнесі — 39 млн доллар

– Наталья Акентьева — Bank RBK — 36 млн доллар

– Сәуле Зейнолла — өнеркәсіптік дистрибуция — 35 млн доллар

– Амина Касымова — сақтандыру саласы — 34 млн доллар

– Сандуғаш Кемельбаева — девелопмент — 34 млн доллар

– Галина Зкрияева — Galmart ритейлі — 33 млн доллар

– Амина Ажмағанбетова — машина жасау — 31 млн доллар

– Гаухар Абыкаева — зергерлік ритейл — 30 млн доллар

– Жанна Кан — зергерлік және fashion-бизнес — 28 млн доллар

Редакцияның бағалауынша, ерлер рейтингімен салыстырғанда басты айырмашылық — капиталдың шығу тегі. Әйелдердің 85–90%-ы байлықты отбасылық бизнес арқылы, мұра, неке немесе ірі компаниялардағы үлес арқылы иеленген.