RUS
SMARTNEWS.KZ басылымының хабарлауынша, Мемлекет басшысы салтанатты жиында жаңа мемлекеттік марапат енгізу бастамасын көтерді.
Президент қазақ даласының тарихы терең ойшылдар мен кемеңгер тұлғаларға бай екенін атап өтіп, соның ішінде әлемге танымал ғалым әрі философ Әл-Фараби мұрасының ерекше маңызға ие екенін айтты.
Оның пайымынша, әл-Фарабидің еңбектері – адамзат өркениетінің құнды мұрасы және ғылыми ой дамуының биік үлгісі.
Осыған байланысты Мемлекет басшысы жоғары мемлекеттік наградалар қатарына арнайы «Әл-Фараби» орденін енгізуді ұсынды. Бұл марапат білім, ғылым, мәдениет және руханият саласында елеулі жетістікке жеткен азаматтарға берілмек.
Сондай-ақ, биыл алғаш рет Республика күні қарсаңында «Мейірім», «Қожа Ахмет Ясауи» және «Әл-Фараби» ордендері табысталатыны айтылды.