Танзанияда соңғы төрт айда толассыз жауған жаңбырдан 37 бала қаза тапты
Танзанияның тоғыз аймағында қаңтар мен 28 сәуір аралығындағы нөсер жаңбырдан кем дегенде 37 бала қаза тапты.
Бұл туралы сенбі күні Танзания полициясының өкілі Дэвид Мисиме мәлімдеді, деп хабарлайды smartnews.kz сайты қытайдың Синьхуа агенттігіне сілтеме жасап.
Д. Мисиме өз мәлімдемесінде ата-аналарды жаңбыр кезінде балаларын үйден шығармауға кеңес берді.
Сондай-ақ, ол сәйкес органдарды су сақтайтын орындарға, құдықтарға белгі қоюға шақырды.
Танзания метеорологиялық қызметі елдің түрлі өңірлеріндегі толассыз жаңбыр су тасқынына әкелуі мүмкін екенін ескертті.