Пашинян кортежіне қатысы бар автобус апатқа ұшырап, адам қаза тапты
Пашинянның іссапарын қамтамасыз етуге бағытталған қызметтік автобус жол апатына түсті.
SMARTNEWS.KZ басылымының хабарлауынша, Арменияның солтүстігіндегі Лори облысында премьер-министр Никол Пашинянның іссапарын қамтамасыз етуге бағытталған қызметтік автобус жол апатына ұшырады. Салдарынан бір адам қаза тауып, тағы 12 адам жарақат алған.
Жол-көлік оқиғасы жергілікті уақытпен таңғы 07:50 шамасында Кучак — Апаран тасжолында болған. Алдын ала мәліметке сәйкес, полицияға тиесілі Honda маркалы автобус пен Nissan көлігі соқтығысқан.
Оқиғаға байланысты қылмыстық іс қозғалды. Қазір апаттың себептері мен барлық мән-жайы анықталып жатыр.
Белгілі болғандай, қызметтік автобус Ереваннан Лори облысына жолға шыққан. Ондағы мақсат — премьер-министр Никол Пашинян мен оның серіктерінің ішкі партиялық науқаны кезінде қоғамдық тәртіпті қамтамасыз ету болған. Қазіргі уақытта үкімет басшысының командасы Апаран қаласында жүр.
Материал авторы
