RUS
SMARTNEWS.KZ басылымының хабарлауынша, Астанадағы көпқабатты тұрғын үйде болған өрттен үш бала қаза тауып, оқиға бойынша қылмыстық іс қозғалды. Бұл туралы қалалық полиция департаменті мәлімдеді.
Қайғылы жағдай 12 сәуірге қараған түні Есіл ауданындағы Түркістан көшесінде орналасқан 21 қабатты үйдің 15-қабатында болған. Өрт сөндірілгеннен кейін пәтер ішінен кәмелетке толмаған үш баланың мәйіті табылған.
Полицияның хабарлауынша, аталған дерек бойынша сотқа дейінгі тергеу басталып, барлық мән-жай жан-жақты тексеріліп жатыр. Тергеу нәтижесінде оқиғаға құқықтық баға берілмек.
Өрт кезінде пәтерде болған әйел адам тірі қалған. Ол күйік жарақатымен ауруханаға жеткізілді. Құтқарушылар жоғары қабаттардан 20 адамды эвакуациялаған, тағы 40-қа жуық тұрғын өз бетімен сыртқа шыққан.
Қазіргі уақытта өрттің шығу себептері анықталып жатыр.