RUS
SMARTNEWS.KZ басылымының хабарлауынша, Астанада көпқабатты үйдің кіреберісінде қолына балта ұстап жүрген ер адамның видеосы әлеуметтік желіде таралып, тұрғындарды шошытты. Полиция күдіктіні жедел ұстап, жауапқа тартты.
Қалалық полиция департаментінің мәліметінше, 31 жастағы ер адам ұсталып, бөлімшеге жеткізілген. Тексеру барысында оның танысының пәтерінде жөндеу жұмыстары жүріп жатқан жерде болғаны анықталған. Бірге алкоголь ішкеннен кейін ол агрессивті мінез танытып, құрылыс құралын қолға алған.
Кейін подъезде жүріп, ер адам әйнекті сындырған. Соның салдарынан өзі жарақат алған. Оған медициналық көмек көрсетілді. Басқа тұрғындар зардап шеккен жоқ.
Құқық қорғау органдары оның әрекетін тоқтатып, әкімшілік жауапкершілікке тартты. Сот шешімімен ол қоғамдық орында мас күйде жүргені және ұсақ бұзақылық жасағаны үшін 15 тәулікке әкімшілік қамауға алынды.