RUS
SMARTNEWS.KZ басылымының хабарлауынша, Ақтауда тұрғындарды елең еткізген оқиға тіркелді. Белгісіз әйел кішкентай қыздың құлағындағы алтын сырғаны шешіп алып, оқиға орнынан кетіп қалған. Желіде тараған видео қоғамда қызу талқылау тудырды.
Оқиға 29-шағынаудандағы тұрғын үйлердің бірінің кіреберісінде болған. Бейнежазбада әйелдің орындықта отырған қызға жақындап, аз уақыт сөйлескен соң сырғасын шешіп алғаны анық көрінеді. Артынша еш алаңсыз кетіп қалған.
Полиция мәліметінше, күдіктінің жеке басы анықталып, ол ұсталған. Аталған дерек бойынша Қылмыстық кодекстің 188-бабы — «ұрлық» бойынша іс қозғалды. Қазіргі уақытта тергеу әрекеттері жүргізіліп жатыр.
Құқық қорғау органдары кәмелетке толмағандарға қатысты мұндай әрекеттерге жол берілмейтінін ескертіп, ата-аналарды балалардың қауіпсіздігіне мұқият болуға шақырды.