RUS
SMARTNEWS.KZ басылымының хабарлауынша, шахматшы Бибісара Асаубаева 2026 жылғы үміткерлер турнирінен кейін әлемдік рейтингте жоғарылады.
Кипрдің Пафос қаласында өткен дода қорытындысы бойынша Асаубаева екі сатыға көтеріліп, әлемдік рейтингте жетінші орынға жайғасты. Оның қоржынында қазір 2527,2 ұпай бар — турнир нәтижесінде 11,2 ұпай қосқан.
Әйелдер шахматындағы көшті әлі де Қытай өкілдері бастап тұр. Бірінші орында Хоу Ифань (2596,0), одан кейін Лэй Тинцзе (2566,0) және Цзюй Вэньцзюнь (2559,0) орналасқан.
Үздік ондықта сондай-ақ Александра Горячкина, Хампи Конеру, Анна Музычук, Тань Чжунъи және Катерина Лагно бар.