RUS
SMARTNEWS.KZ басылымының хабарлауынша, аралас жекпе-жек шебері Шавкат Рахмоновтың отбасы маңында жаңа даулы жағдай туындады. Оның жұбайы әлеуметтік желіде қайынсіңлісі Сора Рахмоноваға тікелей бағытталған жазба жариялап, қоғам назарын өзіне аударды.
Желіде тараған сторисінде ол эмоциясын жасырмай, отбасына қатысты жеке материалдардың жариялануына қарсы екенін ашық айтты.
Оның айтуынша, мұндай контентті тарату – отбасының жеке шекарасын бұзу.
«@sora_rakhmonova, қызымның видеосын парақшаңнан өшір! Бәрің жабылып балаларымды әкесіз қалдырдыңдар, енді жақсы көріп қалғандай болдыңдар ма? Бізден барынша аулақ жүріңдер», – деп жазды ол.
Бұл жазба әлеуметтік желілерде қызу пікірталас тудырды. Пайдаланушылардың бір бөлігі мұндай отбасылық даулардың көпшілікке шығарылуын сынаса, енді бірі жеке шекара мен балалар құқығын қорғау мәселесін көтерді.
Айта кетейік, бұған дейін Гүлайым Рахмонова журналист Руслан Өтепбайға сұхбат беріп, Шавкат Рахмоновпен ажырасуына себеп болған жағдайлар туралы ашық айтқан болатын. Сол сұхбаттан кейін де отбасы төңірегіндегі әңгімелер қоғамда кең таралған еді.