RUS
SMARTNEWS.KZ басылымының хабарлауынша, қазақстандық UFC файтері Шавкат Рахмоновтың жұбайы Гүлайым әлеуметтік желіде отбасылық суреттер жариялап, бұрынғы сәттерді еске алды.
Жазба Instagram парақшасында жарияланған. Онда ол жарымен бірге түскен фотоларды бөлісіп, жеке ойларымен бөліскен. Сондай-ақ ол айналасындағылардың қысымы мен өсек-аяңға қатысты ренішін де ашық жеткізген.
"Рахат, құлағымыз, нервымыз тыныш уақыт еді. Ақшамыз жоқ. Досым-досым деп жүретін еді маған. Кейін лақтырып кеткені болмады да... Көздері тоймайтын күндестер құртты ғой тым жақсы адамды... Тағы бір ұзыыыыын пост салсам ба екен? Көздері тоймайтындар сәл неғып қалар...", - деп жазды ол.
Гүлайым бұған дейін де Рахмоновтың отбасынан алыстағанын және ортақ балалары бар екенін айтқан болатын. Оның айтуынша, жағдайдың ушығуына кейбір туыстардың араласуы себеп болған.
Айта кетейік, қоғам назарында жүрген жағдай Рахмоновтар отбасының төңірегіндегі жеке даулардан кейін күшейе түсті. Бұған дейін Гүлайым жұрт талқысына түскен жол-көлік оқиғасына да қатысты ақпаратта аталған. Сол іс бойынша сот шешімі шығып, оған қатысты жазаның орындалуы кейінге шегерілгені хабарланған.