RUS
SMARTNEWS.KZ басылымының хабарлауынша, Өмер Тайып Ердоған — Түркия президенті Реджеп Тайып Ердоғанның немересі. Ол 18 жасында-ақ халықаралық саяси алаңда белсенділік таныта бастады. Ол жуырда Анталияда өткен COP31 климат саммиті аясындағы конференцияда спикер ретінде сөз сөйледі.
Жас саясаткер өз баяндамасында климат мәселесін тек экологиялық түйткіл ретінде емес, тұтас ұрпақтың жауапкершілігімен байланысты жаһандық проблема ретінде қарау қажет екенін атап өтті. Оның айтуынша, қазіргі климаттық дағдарыс экономикаға, әлеуметтік қатынастарға және адамдардың күнделікті өмір салтына тікелей әсер етіп отыр.
Өмер Тайып Ердоғанның сөзінше, әлемдегі өзгерістер тек ауа райының құбылуымен шектелмейді. Қалдықтар мәселесі мен ресурстар тапшылығы әрбір адамның өміріне ықпал етіп, қоғамдағы қарым-қатынас пен құндылықтарға дейін әсер етуде.
Жас саясаткер діни білім бағытында да жетістікке жеткен: ол 14 жасында хафиз атанған. Сонымен қатар, ол Халықаралық жастар дипломаттары қауымдастығының вице-президенті қызметін атқарады.