RUS
SMARTNEWS.KZ басылымының хабарлауынша, киберспортшы Данил Голубенко, molodoy лақап атымен танымал, әлемдік футбол жұлдызы Неймар-мен бірге түскен суретін жариялады. Бұл — жай кездейсоқ кадр емес, бірнеше айға созылған таныстықтың логикалық жалғасы.
Қазақстандық ойыншы 2025 жылы Бразилияның FURIA Esports құрамында турнир жеңіп алған кезде, Неймар оны әлеуметтік желіде құттықтаған еді. Сол сәттен бастап олардың байланысы үзілмеген.
2026 жылдың сәуірінде бразилиялық футболшы Голубенконың жазбасын сторисіне қайта жариялап, «Бұл Molodoy ғой, солай ма?» деп пікір қалдырған. Ал суретте қазақстандық ойыншы Бразилия құрамасының формасын киіп, арқасына Неймардың есімін жаздырған.
Кейін олардың қарым-қатынасы әлеуметтік желіден тыс жалғасқаны белгілі болды. Жуырда Неймар Голубенконы өзі ойнаған Сантос клубының матчына арнайы шақырған. Ойыннан кейін екеуі бірге суретке түскен. Кадрдың артқы фонында Лионель Месси-дің жейдесі көзге түскені де назар аудартты.
Айта кетейік, Неймар тек футболшы ғана емес, FURIA Esports жобасының белсенді қолдаушысы әрі медиа-командасының президенті. Ол киберспортқа инвестиция салып, жобаның дамуына тікелей қатысып келеді.
Бұған дейін Данил Голубенко беделді HLTV Awards марапатында «Жыл жаңалығы» аталымын жеңіп алған болатын.