RUS
SMARTNEWS.KZ басылымының хабарлауынша, Максим Галкин Алла Пугачевамен бірге түскен жаңа суретін жариялап, желі қолданушыларының назарын аударды. Фотода әншінің қолында таяқ бар.
Сурет Кипрдің Лимасол қаласындағы жағалау бойында, яхталар маңында түсірілген. Алла Пугачева стильді образда бой көрсеткен: қысқа қызғылт клеткалы көйлек-рубашка, қоңыр түсті етік және күннен қорғайтын көзілдірік. Қолында таяқ ұстап тұрғаны байқалады.
Максим Галкин бұл жазбаны арнайы түсініктемесіз жариялап, тек «Pretty Woman» композициясын музыкалық сүйемелдеу ретінде қосқан.
Жазба аз уақыт ішінде жүздеген мың лайк пен пікір жинады. Пікірлерде желі қолданушылары Пугачеваны жылы лебізбен қолдап, оның келбетін жоғары бағалаған:
«Аллочканы жақсы көреміз, тамсана қараймыз», «Нағыз сұлулық», «Жай ғана әнші емес, ерекше энергиясы бар әйел», «Студент қыздай көрінеді», «Күн, теңіз және ерекше әйел — өте әдемі көрініс» деген пікірлер жазылған.
Еске салайық, төрт жыл бұрын Алла Пугачева отбасымен бірге Ресейден кеткен. Жуырда ол 77 жасқа толды.
Лимасол — Кипрдің оңтүстігіндегі ірі курорт әрі экономикалық және мәдени орталықтардың бірі. Қала ұзын жағажайларымен, заманауи маринасымен және туристік инфрақұрылымымен танымал.