RUS
Астана соты блогерлер Ерболат Жанабылов пен оның жұбайы Эльмира Төлегеноваға қатысты үкім шығарды. Екеуі де заңсыз кәсіпкерлік және қылмыстық жолмен алынған қаражатты заңдастыру баптары бойынша кінәлі деп танылды.
Процессуалдық келісім аясында айыпталушылар кінәсін толық мойындап, 247 миллион теңгеден астам шығынды өтеген. Осыны ескерген сот прокурор ұсынған жазамен келісті.
Сот шешімімен Ерболат Жанабылов 2 жылға бас бостандығынан айырылды, алайда жаза шартты түрде белгіленіп, пробациялық бақылау енгізілді. Сондай-ақ мүлкі тәркіленеді.
Ал Эльмира Төлегенова 2 жылға сотталды, бірақ жазаны өтеу 2 жылға кейінге қалдырылды.
Бұл іс бойынша сот тыңдаулары наурыз айында басталған. Бұған дейін айыпталушылар процестік келісімге келіп, бас бостандығынан айырумен байланысты емес жаза тағайындауды сұраған.