RUS
SMARTNEWS.KZ басылымының хабарлауынша, танымал әнші Жігер Ауыпбаев «1001 түн» бағдарламасына берген сұхбатында жеке өміріне қатысты пікір білдіріп, өзінен 15 жас кіші сүйіктісі туралы ашық айтты.
Әншінің айтуынша, оның таңдауы 2003 жылы туған, қазіргі таңда 23 жаста. Екеуінің қарым-қатынасы біршама уақыт бұрын басталған, тіпті ол сүйіктісінің ата-анасымен де танысып үлгерген.
Жігер Ауыпбаев өз сезімін арнайы «Кішкентай қыз» атты ән арқылы да жеткізгенін атап өтті.
«Ата-анасымен де таныстым. Біз екеуміз қыз-жігіт сияқты махаббат құрып жүрміз. Жалпы менің қасымда кім тұрса да, бойына қарап “кішкентай” болып көрінеді, себебі бойым 195 сантиметр. Тіпті 170–180 сантиметр бойлы адамдардың өзі де жанымда солай көрінеді. Ал оның бойы шамамен 165 сантиметр. Сондықтан сыртқы өлшемге емес, адамның мінезі мен тәрбиесіне қарап сөйлесеміз. “Кішкентай қыз” әнін де сол қызға арнадым», – деді әнші.
Айта кетейік, бұған дейін Жігер Ауыпбаев көпшілікке өзінен 15 жас кіші сүйіктісін көрсетіп, сын пікірлерге ұшыраған болатын. Кейін ол айтылған сындарға жауап беріп, өз ұстанымын өзгерткен жоқ.