RUS
SMARTNEWS.KZ басылымының хабарлауынша, Батыс Қазақстанда тағы да дронға ұқсас белгісіз нысан құлады. Бұл жолы оқиға Ақтөбе облысында тіркелген. Қазір полиция мен тиісті қызметтер тексеріс жүргізіп жатыр.
Ақтөбе облыстық полиция департаментінің мәліметінше, Қарғалы ауданында ұшқышсыз ұшу аппаратының бөлшектеріне ұқсас заттар табылған.
«Ақтөбе облысы полиция департаменті уәкілетті органдармен бірлесіп, Қарғалы ауданында ұшқышсыз ұшу аппаратына ұқсас бөлшектердің табылу дерегі бойынша тексеру шараларын жүргізіп жатыр. Нысан елді мекен аумағынан тыс жерден анықталды. Оқиғаның барлық мән-жайы анықталуда», – делінген ведомство хабарламасында.
Қазір бұл заттың нақты шығу тегі мен қалай және қайдан келгені тексеріліп жатыр.