RUS
SMARTNEWS.KZ басылымының хабарлауынша, Солтүстік Қазақстан облысының Аққайың ауданындағы Астраханка ауылында 41 жастағы әйел ауыр күйік алып, ауруханаға жеткізілді. Оқиғадан кейін полиция «Өзін-өзі өлтіруге дейін жеткізу» бабы бойынша қылмыстық іс қозғады.
Қайғылы жағдай 30 сәуірге қараған түні болған. Зардап шеккен әйел аудандық ауруханаға жатқызылды. Дәрігерлер қазір оны Петропавлға ауыстыру мәселесін қарастырып жатыр.
Оқиғаның нақты себебі әзірге белгісіз. Алайда ауыл тұрғындарының айтуынша, ерлі-зайыптылар арасында қызғаныштан туындаған жанжал болған болуы мүмкін.
Солтүстік Қазақстан облыстық полиция департаменті бұл дерек бойынша сотқа дейінгі тергеу басталғанын растады.
«Әйел медициналық мекемеге жеткізілді. Қазіргі уақытта оқиғаның барлық мән-жайы анықталып жатыр, қажетті тергеу әрекеттері жүргізілуде», — деп хабарлады ведомствоның баспасөз қызметі.
Қылмыстық іс Қылмыстық кодекстің 105-бабы — «Өзін-өзі өлтіруге дейін жеткізу» бойынша тіркелген.