RUS
SMARTNEWS.KZ басылымының хабарлауынша, Ливан Денсаулық сақтау министрлігі 2 наурыздан бері Израиль армиясының әуе шабуылдары салдарынан қаза тапқандар саны 2 586 адамға жеткенін хабарлады.
Ведомство жариялаған ресми деректерге сәйкес, аталған кезеңде жараланғандар саны 8 020 адамды құраған.
Министрліктің бағалауынша, Израильдің елді мекендер мен инфрақұрылымға бағытталған үздіксіз соққылары жалғасып жатқандықтан, құрбандар мен зардап шеккендер саны одан әрі өсуі мүмкін.
Айта кетейік, бұған дейін «Хезболла» ұйымының бас хатшысы Наим Қасем Ливанда Израильмен тікелей келіссөздер жүргізу мүмкіндігі талқыланып жатқан кезеңде мәлімдеме жасаған болатын.
Ал одан сәл бұрын АҚШ президенті Дональд Трамп Truth Social желісіндегі жазбасында Ливан мен Израиль арасындағы бітім режимі тағы үш аптаға ұзартылғанын хабарлаған еді.