RUS
SMARTNEWS.KZ басылымының хабарлауынша, Павлодар қаласында білім саласы қызметкерлерінің жеке мәліметтері жаппай интернетке жарияланып кеткен.
Қадағалау органының мәліметінше, 28 білім беру ұйымы медициналық тексеріс өткізу бойынша мемлекеттік сатып алу порталында хабарландыру жариялау кезінде қызметкерлердің жеке деректерін ашық қолжетімді етіп жіберген. Олардың қатарында анкеталық мәліметтер, тұрғылықты мекенжайлар және байланыс нөмірлері бар.
Прокуратура бұл жағдайдың тек еңбек заңнамасын бұзу ғана емес, сонымен қатар алаяқтық мақсатта пайдаланылу қаупін де тудырғанын атап өтті.
«Павлодар қаласы прокуратурасының қадағалау актісі нәтижесінде білім саласының 2 065 қызметкерінің жеке деректері ашық көздерден жойылды. Қателікке жол берген жауапты тұлғалар тәртіптік жауапкершілікке тартылды», — делінген ресми хабарламада.
Құзырлы органдар деректер қауіпсіздігіне салғырт қарауға болмайтынын ескертіп, мұндай олқылықтардың салдары ауыр болатынын жеткізді.