RUS
SMARTNEWS.KZ басылымының хабарлауынша, Иран АҚШ-пен жасалған уақытша бітімнен кейін бір ай үзілістен соң Біріккен Араб Әмірліктеріне (БАӘ) қайта соққы жасады. Шабуыл салдарынан үш үндістандық азамат жарақат алды.
DW хабарлауынша, Ираннан ұшырылған дрондар мен зымырандар БАӘ аумағына бағытталған. Елдің әуе қорғаныс жүйесі 19 нысанды – баллистикалық және қанатты зымырандар мен ұшқышсыз аппараттарды – дер кезінде атып түсірген.
БАӘ Қорғаныс министрлігінің мәліметінше, Иран 12 баллистикалық ракета, 3 қанатты ракета және 4 дрон ұшырған. Шабуылдардың бірі Фуджейрадағы мұнай кешені маңына тиіп, өртке себеп болған.
Аталған соққыдан үш Үндістан азаматы жарақат алып, ауруханаға жеткізілді. Қауіпсіздікке байланысты БАӘ-де мектептер 5–8 мамыр аралығында онлайн форматқа көшірілді.
Оман билігі де өз аумағына соққы жасалғанын растады. Ақпаратқа сәйкес, Букха қаласы маңындағы шабуылдан тұрғын үй зақымданып, екі шетелдік жұмысшы жараланған.
БАӘ сыртқы істер министрлігі бұл әрекетті «қауіпті эскалация» деп бағалап, жауап қайтару құқығы бар екенін ашық мәлімдеді. Ресми Абу-Даби елдің егемендігіне жасалған кез келген шабуылға заң аясында жауап беретінін ескертті.
Ал Иран мемлекеттік телеарнасы әскери дереккөзге сілтеме жасап, Тегеран тарапынан БАӘ-ге шабуыл жасау жоспары болмағанын хабарлады.