RUS
Бұл туралы Астана қаласы коммуникациялар қызметі алаңында өткен баспасөз мәслихатында айтылды, деп хабарлайды smartnews.kz сайты.
«2023 жылдың 25-26 мамыр аралығында 150 шетелдік қатысушымен «Bizz Awards» шарасы өтеді. 29 мамыр - 1 маусым аралығында 200 шетелдіктің қатысуымен «INQAAHE» конференциясы сонымен қатар 14-18 тамыз аралығында 600 шетелдіктің қатысуымен Arc топырақ механикасы және геотехника бойынша Азия аймақтық конференциясы өтеді. Бұл іс-шараларға 2 мыңнан астам делегат келеді», - деді Астана қаласы инвестициялар және кәсіпкерлікті дамыту басқармасы басшының орынбасары Қуаныш Сапаров.
Оның айтуынша, аталған іс-шаралардан қала экономикасына 2 миллион АҚШ долларынан астам табыс түседі деп күтілуде.
«Жоғарыда айтқан табыс шетелдік делегаттардың есебінен келмек. Бұл жерде меймандардың қонақүйде тұруы, көлік қатынасы, тамақтану, қосымша қызметтер мен кәдесый өнімдерін сатып алады. Сонымен қатар, елге келген шетел азаматтары орта есеппен 1438 доллар жұмсайды деп болжануда. Әдетте, туризм саласы бойынша іс-шаралар үй-жайларды, техниканы, аударма және тағы сол сияқты қызмет арқылы жергілікті экономикаға табыс келеді. Нәтижесінде жергілікті 100-200 адам жұмыс орнымен қамтылады»,- дейді ол.