RUS
SMARTNEWS.KZ басылымының хабарлауынша, Шымкент қаласында прокуратура жүргізген тексеріс нәтижесінде жалпы аумағы 1,2 гектар жер мемлекет меншігіне қайтарылды. Оның кадастрлық құны 90 млн теңгеге бағаланған.
Қадағалау органы жер заңнамасының сақталуын тексеру барысында бірқатар заңбұзушылықтарды анықтаған. Атап айтқанда, жер учаскелерін жалған құжаттар негізінде заңдастыру деректері және мемлекеттік қажеттілік үшін алынуы тиіс жерлерді заңсыз легализациялау фактілері тіркелген.
Прокуратураның ұсынысынан кейін уәкілетті органдар анықталған бұзушылықтарды жою бойынша нақты шаралар қабылдады.
Нәтижесінде заңсыз рәсімделген жер учаскелері мемлекет меншігіне толық қайтарылды.