RUS
SMARTNEWS.KZ басылымының хабарлауынша, журналист Динара Сәтжан Instagram парақшасында «Қыз Жібек» фильміндегі әйгілі камзолға байланысты туындаған жағдайға тоқталды. Оның айтуынша, бұл оқиға кездейсоқ емес, терең мағынаға ие.
Сәтжанның жазуынша, камзол жай ғана сыйлық емес, белгілі бір тағдырлық белгі болған.
«Өмірде ештеңе себепсіз болмайды. Бәрінің өз мәні бар. Қыз Жібектің камзолы Баян Алагузоваға берілген қарапайым сыйлық емес еді. Ол — белгі. Камзол 30 жыл бойы үнсіз сақталып келген. Егер Баян болмаса, ол тек өткеннің куәсі болып қала берер еді», – деп жазды журналист.
Оның пікірінше, дәл осы камзол актриса Меруерт Өтекешеваның өмірінде де өзгеріс әкелген.
Сәтжан қоғамда көпшілік білмеген бір жайтты да атап өтті: Меруерт Өтекешева ұзақ уақыт бойы жалдамалы пәтерде тұрған.
«Ешкім оның жалдамалы пәтерде тұратынын ашық айтпаған. Ол бар өмірін театр мен өнерге арнады. Бірақ өнер әрдайым еңбекті материалдық тұрғыда қайтара бермейді. Баян тек камзолды қайтарып қана қойған жоқ, ол актрисаға жайлы өмір сыйлады: Алматыдағы пәтер мен ай сайынғы қолдау», – деді Сәтжан.
Журналист екі тұлғаның да Орал қаласынан шыққанын да атап өтті.
«Меруерт ханым ешқашан көмек сұрамайтын еді. Бірақ камзол өз миссиясын орындады», – деп түйіндеді ол.
Айта кетейік, бұған дейін продюсер Баян Алагөзова Меруерт Өтекешевамен кездесіп, «Қыз Жібек» фильміндегі тарихи камзолды табыстаған болатын. Сонымен қатар ол актрисаға шуба, арнайы жасалған алтын және бриллиант сырғалар сыйлап, Алматыдан пәтер алып беруге уәде еткен.