RUS
SMARTNEWS.KZ басылымының хабарлауынша, Маңғыстау облысында табиғат аясындағы демалыс қайғылы оқиғаға ұласты. Шашлықтың сүйегіне тұншығып қалған ер адам оқиға орнында қайтыс болды.
Қайғылы жағдай 10 мамыр күні болған.
Алдын ала мәлімет бойынша, Ақтау қаласындағы мектептердің бірінде жұмыс істейтін қызметкерлер Жармыш ауылы маңында орналасқан Аралбай сарқырамасына көкке шыққан. Демалыс барысында 56 жастағы ер адам шашлықтың сүйегіне тұншығып қалған. Оған дер кезінде медициналық көмек көрсету мүмкін болмаған, ер адам сол жерде көз жұмған.
Маңғыстау облыстық полиция департаменті бұл ақпаратты растады.
Ведомство дерегінше, оқиға бойынша тексеру жүргізіліп жатыр. Тергеушілер қайғылы жағдайдың барлық мән-жайын анықтауда.
Құқық қорғау органдары азаматтарды табиғат аясында демалу кезінде барынша сақ әрі мұқият болуға шақырды.