RUS
SMARTNEWS.KZ басылымының хабарлауынша, Атырау облысы бойынша қылмыстық істер жөніндегі мамандандырылған ауданаралық сотқа Жангелдин ауылында жасалған резонансты кісі өлтіру ісі түсті.
Істі судья Зарема Хамидуллина қарайды. Өңірде ол ұзақ жылдар бойы ең күрделі әрі қоғамды дүр сілкіндірген қылмыстық істерді қараумен танылған.
Алғашқы сот отырысы 18 мамырға сағат 11:00-ге белгіленді. Процесс ашық режимде өтеді.
Істің басты фигуранты — Сұлтан Сәрсемәлиев. Ол қазір Атыраудағы тергеу изоляторында қамауда отыр, сот процесінің басталуын күтуде.
Еске салайық күдікті төрт адамның — енесі, қайын атасы, жұбайының ағасы мен әпкесінің өліміне қатысты кінәсін мойындаған.
Тергеу нұсқасына сәйкес, қаза тапқандардың үлкендері үй ауласындағы қорадан топырақ астынан табылған. Ал екі жас туысын ол бұрын тұрған елді мекендегі уақытша баспана маңына жасырын жерлеген деген болжам бар.
Қайғылы оқиға қоғамда үлкен резонанс тудырып, өңір тұрғындарының назарында қалып отыр.