RUS
SMARTNEWS.KZ басылымының хабарлауынша, АҚШ-та мұғалім мен мектеп оқушысына қатысты жанжал қоғамды шулатты. Вашингтон штатында бастауыш сынып мұғалімі кәмелетке толмаған жасөспіріммен интимдік байланыс орнатты деген күдікке ілінді. Әйел кейін бұл туралы күйеуіне өзі мойындаған.
Америкалық The Star басылымының мәліметінше, күдікке ілінген 25 жастағы бастауыш сынып мұғалімі Маккензи Нот. Тергеу дерегіне сәйкес, 16 жастағы жасөспірімнің отбасы мұғалімнің отбасымен аралас-құралас болған.
Белгілі болғандай, мұғалім жасөспіріммен мессенджер арқылы хат жазысып жүрген. Бір күні түнде күйеуі ұйықтап қалғаннан кейін ол оқушыны кездесуге көндірген. Түнгі уақытта жасөспірім көлігімен келіп, мұғалімді алып кеткен.
Кейін олар оңаша жерге барып, сөйлескен. Тергеу нұсқасы бойынша, сол жерде мұғалім жасөспірімге жақындасып, кейін екеуінің арасында интимдік қатынас болған.
Оқиғадан кейін жасөспірімнің өзі мұғалімнің күйеуіне хабарласып, болған жайтты айтып берген. Артынша ер адам полицияға жүгінген. Ал ұсталардан бірнеше сағат бұрын әйел күйеуіне опасыздық жасағанын мойындаған.
Алғашында мұғалім полицейлерге жасөспіріммен орынсыз қатынас болғанын жоққа шығарған. Алайда кейін кінәсін толық мойындап, оқушының жасын білгенін де растаған.
Сот шешімімен Маккензи Нот 10 мың доллар көлеміндегі кепілақымен босатылған. Қазір іс бойынша тергеу жалғасып жатыр.