RUS
SMARTNEWS.KZ басылымының хабарлауынша, АҚШ президенті Дональд Трамп Қытай басшысы Си Цзиньпин туралы ерекше пікір білдірді. Оның айтуынша, Си Цзиньпин Голливуд фильміндегі Қытай көшбасшысының «мінсіз бейнесіне» ұқсайды.
Ақ үй басшысы Fox News арнасындағы Hannity бағдарламасына берген сұхбатында Қытай төрағасының сырт келбеті мен өзін ұстау мәнеріне тоқталған. Трамп Сидің бойы ұзын екенін айтып, оны ерекше харизмасы бар саясаткер ретінде сипаттады.
«Ол өте ұзын бойлы. Әсіресе өз елі үшін. Әскерилерге қараңызшы — бүгінгі әскери шеру керемет болды. Егер Голливудқа барып, осы рөлге актер іздесеңіздер, дәл мұндай адамды таба алмайсыздар», – деді Трамп.
Сондай-ақ АҚШ президенті Қытай көшбасшысының жұмыс стилі өзіне ұнайтынын да жасырмады. Оның сөзінше, Си Цзиньпин уақытты босқа жұмсамайды және прагматикалық саясат ұстанады.
Айта кетейік, Дональд Трамп жуырда ресми сапармен Қытайға барған. Бұл — соңғы тоғыз жылдағы АҚШ президентінің Қытайға жасаған алғашқы мемлекеттік сапары.
Пекиндегі Тяньаньмэнь алаңында өткен ресми қарсы алу рәсімінде екі ел басшысы ұзақ қол алысып, келіссөздер өткізген. Кездесу барысында Трамп Си Цзиньпинді «досым» деп атаған.