RUS
SMARTNEWS.KZ басылымының хабарлауынша, Степногорск қаласында өндірістік аймақта 61 жастағы ер адам қайғылы жағдайда қаза тапты. Алдын ала мәлімет бойынша, ол биіктіктен құлап кеткен.
Оқиға 14 мамыр күні өнеркәсіптік аймақтың 9-аумағында болған. Куәгерлердің айтуынша, ер адам шамамен 10 метр биіктіктен басымен құлаған. Ол шатырдан балға алмақ болған кезде тепе-теңдігін жоғалтқан деген болжам бар.
Ақмола облысы полиция департаменті бұл дерек бойынша қылмыстық іс қозғалғанын хабарлады. Қазір оқиғаның барлық мән-жайы анықталып жатыр.
Сонымен қатар Ақмола облысы бойынша Мемлекеттік еңбек инспекциясы департаменті бұл оқиғаға қатысты жұмыс беруші тарапынан ресми хабарлама түспегенін мәлімдеді. Қазір тексеру жұмыстары жүргізіліп жатыр.