Алматыда 65 жастағы пациентке жүректің жасанды қарыншасы салынды

Алматы облысы Еңбекшіқазақ ауданынан келген 65 жастағы Христофор Ксандопуло 2017 жылдан бері ауырады.

Ол ишемиялық дилатациялық кардиомиопатиядан зардап шекті, сол жақ қарыншаның шығарылым фракциясы өте төмен болды - небәрі 20%, миокард инфарктісін алған, алдыңғы төмендейтін артерияны стенттеу бойынша операция жасалды, сондай-ақ кенеттен жүрек өлімінің алдын алу үшін кардиовертер-дефибриллятор имплантталды.

«Осы жылдың сәуір айында Ұлттық ғылыми кардиохирургия орталығы басшылығымен болған кездесу барысында біз халыққа медициналық көмек көрсетудің қолжетімділігі мен сапасын қамтамасыз ету үшін өзара тәжірибе, инновациялар және технологиялармен алмасу бойынша ынтымақтастықты жалғастырамыз деп келіскен едік. Біздің дәрігерлермен бірге осы күрделі операцияны жасаған Астана қаласының ҰҒКО әріптестеріме алғыс айтқым келеді. Операция әлеуметтік сақтандыру қоры есебінен жүзеге асырылады және Қазақстан азаматтары үшін тегін», - деп атап өтті Марат Пашимов.

Кардиология және ішкі аурулар ҒЗИ кардиохирургия бөлімшесінің меңгерушісі Рустем Тулеутаев атап өткендей, науқас операция үстеліне жатқанға дейін үш рет жансақтау бөлімінде жатты.

Бұған дейін ол бірнеше рет ауруханаларда ем қабылдағанымен, емінен нәтиже болмады.

«Бұған дейін мұндай диагнозы бар науқастар резервтік мүмкіндігінше өмір сүретін, енді бұл адамдардың өмірін ұзартуға мүмкіндік бар, мұндай аппараттар әлемде жиі орнатылып жатыр. Дегенмен, операция құны қымбат болғандықтан мұндай оталарды кез келген елдің қалтасы көтере бермейді», - деп түйіндеді дәрігер.

Имплантациядан кейін жалпы ағзаның жағдайы жақсарады, жүрек жеткіліксіздігінің белгілері кері қайтады.

Науқастың қазір жағдайы жақсы, өзін жақсы сезінеді, ісігі басылды, ентігу жоқ, ұйықтайтын болды, орнынан тұрып, жүріп жүр. Алдағы аптада үйіне шығады.