RUS
Жыл басынан бұл сома 25,7 млрд теңгені құрайды, деп хабарлайды smartnews.kz сайты Әлеуметтік медициналық сақтандыру қорының елорда филиалына сілтеме жасап.
Астана қаласы бойынша сәуір айында аударылған 6,9 млрд теңгенің 3,9 млрд теңгеге жуығы – жұмыс берушілерден, 3 млрд теңгеге жуығы – жеке кәсіпкерлерден түсті. Бірыңғай жиынтық төлем (БЖТ) жүргізетін 7578 төлеушіден 11,2 млн теңге аударылды.
Еске салайық, 2022 жылдың 5 қыркүйегінен бастап бір жылға алдын ала жарна төлеу арқылы МӘМС жүйесіне қатысудың жаңа тетігі іске қосылды. Оны «сақтандырылған» мәртебесі бар, сондай-ақ жүйеге ешқашан төлем жасамаған немесе жүйесіз төлем жасаған барлық дербес төлеушілер пайдалана алады.
Кез келген сұрақ бойынша хабарласуға болатын тетіктер:
- Qoldau 24/7 мобильді қосымшасы
- @saqtandyrybot телеграмботы
- 1406 байланыс орталығы
- Қордың fms.kz сайты.