RUS
Департаменттің айтуынша елорда аумағында еш табиғи жану тіркелмеген.
«Қаладағы жағдай көршілес Ақмола облысындағы Бурабай және Зеренді аудандандарындағы құрғақ шөптің өртенуінен және Павлодар облысындағы өрттен болуы мүмкін. Халық арасында өрт қауіпсіздігі ережелерін түсіндіру мақсатында департамент қаланың саяжайлары мен тұрғын алаптарында дауыс зорайтқыш құрылғылармен профилактикалық іс-шаралар жүргізуде», - деп жазылған ТЖД хабарламасында.
Департамент кез келген ашық от көздерімен жұмыс істегенде абай болуды ұсынады, от жағуға немесе ғимараттардың жанында қоқыстарды жағуға болмайды.
«Табиғат аясында жанып тұрған темекі тұқылын тастамаңыз, балалардың сіріңкемен ойнауына жол бермеңіз және от пен шыны ыдысты және сынған әйнекті қалдырмаңыз. Демалыс орынынан кетерде алауды сумен немесе топырақпен толық сөндіріңіз. Өрт, қоқыс және тұрмыстық қалдықтарды жағу кезінде өрт қауіпсіздігі ережелерін бұзғаны үшін әкімшілік жауапкершілік қарастырылғанын ескертеміз», - дейді елордалық ТЖД.