Мбаппе әлем чемпионаттары тарихындағы бірегей рекордты жаңартты
Франция шабуылшысы плей-офф кезеңінде 10 гол соққан алғашқы футболшы атанды.
SMARTNEWS.KZ басылымының хабарлауынша, Франция құрамасының шабуылшысы Килиан Мбаппе футболдан 2026 жылғы әлем чемпионатында кезекті тарихи жетістікке қол жеткізді. Ол плей-офф кезеңдеріндегі гол саны бойынша әлем чемпионаттарының жаңа рекордын орнатты.
Француз футболшысы Швеция құрамасына қарсы кездесуде дубль жасап, турнирдегі гол санын алтыға жеткізді. Осы көрсеткіш арқылы ол Аргентина құрамасының капитаны Лионель Мессимен әлем чемпионатының үздік сұрмергендері қатарында теңесті.
Қазір Мбаппе мен Мессидің есепшотында алты голдан бар. Ал олардан бір гол кем жинаған ойыншы — Норвегия шабуылшысы Эрлинг Холанд.
Сонымен қатар «Реал» шабуылшысы әлем чемпионаттарының плей-офф кезеңдерінде 9 және 10-голдарын соғып, турнир тарихында үздік нәтиже көрсетті.
Бұл көрсеткіш бойынша Мбаппе бразилиялық аңыз футболшылар Роналдо мен Леонидастан асып түсті. Олар әлем чемпионаттарының шешуші кезеңдерінде сегіз голдан соққан болатын.
Француз шабуылшысы енді Парагвайға қарсы өтетін келесі ойында рекордын одан әрі жақсарта алады. Сонымен бірге ол 2026 жылғы әлем чемпионатының үздік сұрмергені атану мүмкіндігіне ие.
Франция мен Парагвай құрамалары арасындағы матч 6 шілдеде Астана уақытымен 02:00-де өтеді.
Материал авторы
