RUS
Оқиға 9 мамыр күні болған. Жүргіншілер жолында қатты жылдамдықпен жүрген жылқы мінген адам кішкентай қызды қағып кеткен. Көпшілік серуеннен қайтып келе жатқан отбасы мүшелері артынан келген жылқыдан қашып үлгермеген. Аталған оқиғаның видеосы әлеуметтік желіде кеңінен тарап кетті.
Ал, Түркістан облысы полиция департаментінің баспасөз қызметі аталған жағдайға байланысты тексеру амалдары жүргізіліп жатқанын жеткізді.
«Кентау қаласы полиция бөліміне орталық ауруханадан хабарлама келіп түсті. Онда саябақта ата-анасымен кетіп бара жатқан кішкентай қызды, жылқысын игере алмай қалған тұрғын соғып, құлатып кеткені көрсетілген. Аталған жайт Кентау қалалық полиция бөліміне тіркелді. Алайда әкесі кішкентай қызының дене жарақатын алмағанына байланысты арыз жазудан бас тартқан. Қазіргі таңда тексеру амалдары жүргізілуде» - делінген ақпаратта.