Ақтөбе облысында 15 жасар қызды зорлады деген күдікті ұсталды
Мектеп оқушысының зорлады деген күдікті қамауға алынды.
SMARTNEWS.KZ басылымының хабарлауынша, Ақтөбе облысында 15 жастағы қызға қатысты зорлау дерегі бойынша қылмыстық іс тергеліп жатыр. Күдікті ұсталып, уақытша ұстау изоляторына қамалды.
Басылымның мәліметінше, әлеуметтік желілерде тараған ақпаратқа сәйкес, оқиға 19 мамыр күні болған.
Дерекке сәйкес, мектеп оқушысы құрбысымен серуендеп жүргеннен кейін оның үйіне барған. Сол жерде құрбысының 22 жастағы ағасы болған. Зардап шеккен қыз оны бала кезінен танитыны айтылған.
Жарияланған мәлімет бойынша, осы кезде күдікті қызға жыныстық зорлық көрсеткен.
Ақпаратта оқиғадан кейін жасөспірім ұзақ уақыт бойы болған жағдай туралы ешкімге айтпағаны көрсетілген. Туыстарының айтуынша, оған өліммен қорқыту арқылы қысым жасалған.
Біршама уақыт өткен соң қыз болған жайтты ағасына айтып берген. Осыдан кейін ол бірден полицияға жүгінген.
Қауіпсіздік мақсатында жәбірленушінің әпкесі қызды ауылдан қалаға алып кеткен.
Ақтөбе облысы Полиция департаменті аталған факті бойынша сотқа дейінгі тергеу басталғанын растады. Ведомствоның мәліметінше, күдіктінің жеке басы анықталып, ол уақытша ұстау изоляторына қамалған. Қазір оқиғаның барлық мән-жайын анықтауға бағытталған қажетті тергеу әрекеттері жүргізіліп жатыр.
Материал авторы
