Трамп Нетаньяхуға үндеу жасады: Израиль әскері Сирия мен Ливаннан кетуі мүмкін
Телефон арқылы өткен келіссөз Трамптың Сирияның уақытша президентімен кездесуінен кейін ұйымдастырылды.
SMARTNEWS.KZ басылымының хабарлауынша, АҚШ президенті Дональд Трамп Израиль премьер-министрі Биньямин Нетаньяхуды Сириядағы әскери күштерді қайта орналастыруға шақырды. Сондай-ақ ол Ливанда да осындай қадам жасау қажеттігін айтқан. Бұл туралы Axios басылымы жазды.
Басылымның дереккөзіне сәйкес, Трамп телефон арқылы сөйлесу барысында: «Олар сендердің бұл жерде болғандарыңды қаламайды. Әскерді қайта орналастыру керек», – деген.
Өз кезегінде Биньямин Нетаньяху Израиль шекарасы бойындағы қауіпсіздік аймақтарының маңызына тоқталған.
Телефон арқылы өткен әңгіме Дональд Трамптың НАТО саммиті аясында Сирияның уақытша президенті Ахмед аш-Шараамен кездескенінен кейінгі күні болған.
Басылымның мәліметінше, Сирияда билік ауысқаннан бері Вашингтон мен Дамаск арасындағы қарым-қатынас біртіндеп қалыпқа келе бастаған.
Сонымен қатар Ливандағы әскери іс-қимылды тоқтату туралы талап екі тарап арасындағы өзара түсіністік туралы меморандумда да қарастырылған. Бұдан бөлек, Израиль мен Ливан арасында жасалған негіздемелік келісімге сәйкес, Израиль Ливанның оңтүстігіндегі қауіпсіздік аймақтарынан өз әскерін шығаруға міндеттеме алған.
Материал авторы
