RUS
«2024 жылдан бастап жол-көлік оқиғасына қатысушылардың полиция қызметкерлерінің қатысуынсыз онлайн-тіркеумен жол-көлік оқиғалары кезінде дауларды дербес шешудің оңайлатылған рәсімінің нормалары күшіне енеді (еурохаттама). Бұл шаралар азаматтардың сот ісін жүргізуге кететін уақытын үнемдеуге мүмкіндік береді. Жалпы, бұл басқа да азаматтық шағымдарды шешумен айналысатын сот органдарына түсетін салмақты да азайтады. Өз кезегінде, патрульдік полиция қызметкерлері қоғамдық қауіпсіздікті қамтамасыз ету қызметіне тартылады», - деп жазылған министрліктің 4 жылдық жоспарға енгізген мәліметтерінде.
Ведомство ақпаратына сай, бұған дейін мас күйінде көлік басқарғандарға қатысты жауапкершілік күшейтілген.
«Мас күйінде көлік құралдарын басқару және мас күйін медициналық куәландырудан өтуден жалтару үшін жауапкершілік күшейтілді. Жолаушылар тасымалын жүзеге асыру, көлік құралдарының техникалық жай-күйіне бақылауды күшейту жөніндегі нормаларға түзетулер енгізілді. Уәкілетті мемлекеттік және жергілікті атқарушы органдар бағдарламалық құжаттар шеңберінде жол жүрісі қауіпсіздігін арттыру жөніндегі мақсатты шараларды іске асырды», - деп жазылған ІІМ талдау құжатында.