Ресей «иноагент» тізіміне енгізген әншінің әні әлемдік фильмде шырқалды

SMARTNEWS.KZ басылымының хабарлауынша, ресейлік әнші Елизавета Гырдымова, көпшілікке Монеточка деген атпен танымал, өзінің «Монополия» әнінің жаңа «Өрмекші адам» фильмінде орын алғанын айтты.

Орындаушы әлеуметтік желідегі парақшасында видео жариялап, Marvel студиясының жаңа жобасында әнінің қолданылғанына әлі де сене алмай жүргенін жеткізді.

Әншінің айтуынша, ол бұл жаңалықты бірден айта алмаған. Себебі жоба туралы ақпарат жариялауға болмайтын болған. Сонымен қатар Монеточка бұл жағдайдың өзіне де ұзақ уақыт бойы шынайы болып көрінбегенін атап өтті.

«Монополия» әні «Өрмекші адам: Жаңа күн» фильмінде қолданылған. Алғашында әнші оның кадр сыртында ғана естілетін шығар деп ойлаған. Алайда композиция кинотеатр залында анық әрі қатты қойылғанын айтты.

«Мен кинотеатрдамын. Залдан жаңа шықтым, енді ғана не болғанын түсіне бастап жатырмын. Әннің сонда бар екеніне әлі сенбеймін», – деді Монеточка.

Ол әнін жақсы көретін тыңдармандарды фильмді көруге шақырды. Әнші бұл жобаны енді өзінің сүйікті фильмдерінің біріне айналғанын айтып, қуанышын жасырмады.

Монеточка үшін бұл оқиға шығармашылық мансабындағы маңызды кезеңдердің біріне айналды. Кейде адам бірнеше жыл ән жазып, ал оның бір күні алып кинофраншизада ойнап кететінін күтпейді. Өнер әлемінің ең қызық тұсы да осы: жоспарлағаның бір бөлек, ал Голливудтың қашан есік қағатынын ешкім білмейді.