RUS
Бұл туралы бас шаһардағы коммуникациялар қызметінде өткен брифингіде Астана қалалық мониторинг және жедел әрекет ету орталығының басшысы Асқар Тақсымов айтты, деп хабарлайды ҚазАқпарат тілшісі.
«2019 жылдың жарты жылдығында 3 701 қызмет, 2020 жылы – 69 560, 2021 жылы – 148 586, 2022 жылы 170 мыңнан астам қызмет, 2023 жылы 90 мыңнан астам қызмет көрсетілді. Бүгінде біздің орталық жеке және заңды тұлғаларға түрлі ұйымдар бойынша 146 қызмет ұсынады. Сондай-ақ аудан әкімдіктеріндегі «Qala Qyzmet» фронт-кеңселеріне айына 2000-2500 адам келеді. Портал айына 17 000 - 20 000 адамға қызмет көрсетеді», - деді Асқар Тақсымов.
Биылдан бастап халыққа коммуналдық қызметтер көрсету саласындағы функцияларды оңтайландыру мақсатында «iKOMEK» орталығы мен «Qala Qyzmet» жобасы біріктірілді.
«Qala Qyzmet» - елордалықтардың әкімдікпен және коммуналдық қызметтер саласындағы мекемелермен өзара іс-қимылын үйлестіретін жоба. Ол арқылы тұрғындар уақытылы шығарылмаған қоқыс, су, жылу, электр энергиясы және туындаған өзге де мәселелер бойынша шағым жолдай алады.