Ұлттық банк 2027 жылғы инфляция болжамын көтерді
Инфляция бір таңбалы деңгейге түсті, бірақ Ұлттық банк сақтыққа шақырды.
SMARTNEWS.KZ басылымының хабарлауынша, Қазақстан Ұлттық банкі 2027 жылға арналған инфляция болжамын қайта қарап, оның деңгейін 6,5-8,5 пайыз аралығында күтетінін мәлімдеді. 2026 жылға арналған болжам өзгеріссіз қалып, 9-11 пайыз деңгейінде сақталды.
Ұлттық банк төрағасы Тимур Сүлейменовтің айтуынша, 2027 жылғы болжамның жоғарылауына сыртқы инфляцияның өсуі, реттелетін тарифтерге қатысты болжамдардың өзгеруі және Үкіметтің бұған дейінгі болжамдармен салыстырғанда фискалдық ықпалының артуы әсер еткен.
Бұған қоса, Қазақстанның негізгі сауда серіктесі Ресейде инфляцияның баяуырақ төмендеуі де елдегі баға өсіміне ықпал етуі мүмкін. Дегенмен Ұлттық банктің салыстырмалы түрде қатаң ақша-несие саясаты инфляциялық қысымды тежеуге мүмкіндік береді.
Реттеуші 2028 жылы инфляцияның тұрақтанып, нысаналы 5 пайыздық деңгейге жақындайтынын күтеді.
Сүлейменовтің сөзінше, тамызда жылдық инфляцияның бір таңбалы көрсеткішке түсуі жүргізіліп жатқан ақша-несие саясатының нәтижесін көрсетеді. Оның ішінде базалық мөлшерлеменің жоғары деңгейде сақталуы маңызды рөл атқарған.
Алайда Ұлттық банк басшысы қазіргі көрсеткішті түпкілікті нәтиже деп қабылдауға әлі ерте екенін айтты. Ел ішінде де, сыртқы нарықта да инфляцияны қайта үдетуі мүмкін факторлар сақталып отыр.
Материал авторы
