Астанада әйел мысығының өліміне 10 жастағы баланы күдікті деп отыр
Бір жасар мысығының өлімінен кейін астаналық тұрғын полицияға арыз бергенін мәлімдеді.
SMARTNEWS.KZ басылымының хабарлауынша, Астанада бір жасар мысық 14-қабаттан құлап қаза болды. Оның иесі жануардың өліміне 10 жастағы баланың қатысы болуы мүмкін деп күдіктеніп, полицияға арыз берген.
Әлеуметтік желіде Астана тұрғынының мысығының өлімі туралы жазбасы тарады. Әйелдің айтуынша, жануар пәтерден шығып, подъезге кеткен. Біраз уақыттан кейін мысық 14-қабаттан құлап, қаза болған.
Оқиғаға дейін әйелдің қызы итін серуендетуге шықпақ болған. Ол терезенің жабық тұрғанына көз жеткізген. Алайда үйге қайта оралғанда мысықтың өліп қалғанын көрген.
Мысықтың құлаған сәтін үйдің маңында отырған әйелдер көргенін айтқан. Кейін полиция шақырылып, үйдегі бейнебақылау камераларының жазбалары қаралған.
«Мұны балконның астында отырған әжелер көрген. Басында оларға сенбедім. Полиция шақырдық, камераларды қарадық. Бәрі солай екен. Бала баланы өлтірді. Менің қызымды. Оның енді өмір сүрмейтініне жай ғана шешім қабылдаған. Балаларымызға не болғанын білмеймін. Әлде олардың ата-аналарына бірдеңе болған ба?» – деп жазды мысықтың иесі.
Отбасы полицияға арыз бергенін хабарлады.
Материал авторы
