RUS
Орталық коммуникациялар қызметі алаңында өткен баспасөз мәслихатында БАҚ өкілдері вице-министрден: «Қазақстандықтар тариф құнының өскеніне шағымданып жатыр. Қазнетте ұялы байланыс пен интернет құны 23-30 пайызға қымбаттайтыны жайлы ақпарат жүр. Қаншалықты рас?» деп сұрады.
«Заңға және Кәсіпкерлік туралы кодекске сәйкес, бұл – нарықтық орта. Бізде тарифтің көтерілгені жайлы ақпарат жоқ. Бірақ, заңға сәйкес, егер оператор тарифті өзгертетін болса, онда олар 1 ай бұрын клиенттерге ескертуі тиіс», - деді вице-министр.
Осы орайда БАҚ өкілдері байланыс операторларының біржақты тәртіппен тарифті өзгертуіне тыйым салу мәселесі көтерілгенін еске салып өтті.
«Бәсекелестікті қорғау және дамыту агенттігі сіздерге хат жолдады. Қандай да бір шара қабылдана ма?» деп сұрады БАҚ өкілі.
«Бұған дейін де айтқанымдай, барлығы Кәсіпкерлік кодексімен реттеледі. Екіншіден, оператор клиентті ескертуге міндетті. Егер мұндай жайт болса әрі нақтыланса, онда Бәсекелестікті қорғау және дамыту агенттігіне, Телекоммуникация комитетіне жүгіну қажет», - деді Әсет Тұрысов.