Тоқаев «Таза Қазақстан» акциясы аясында Президент саябағына ағаш отырғызды

Мемлекет басшысы Қасым-Жомарт Тоқаев «Таза Қазақстан» республикалық экологиялық акциясына қатысты.

Экологиялық акция аясында Президент жастар және экоактивистермен бірге Президент саябағының аумағына ағаш отырғызды.

Мемлекет басшысының қатысуымен өткен шара «Таза Қазақстан» республикалық экологиялық акциясы аясында ұйымдастырылды.

Ақорданың мәліметінше, акцияның мақсаты – қоршаған ортаны қорғауға қоғамның назарын аударып, экологиялық мәдениетті қалыптастыруға үлес қосу.