Әлемдік мұнай нарығында баға қайта құлдырады
Таяу Шығыстағы шиеленіс мұнай нарығындағы құбылмалылықты әлі де күшейтіп отыр.
SMARTNEWS.KZ басылымының хабарлауынша, әлемдік мұнай нарығы жаңа аптаны төмендеумен бастады. Бұған өткен аптадағы бағаның күрт өсуінен кейінгі түзету және Таяу Шығыстан мұнай жеткізіліміне қатысты жаңа күтулер әсер етті.
21 қыркүйек таңертең Brent маркалы мұнай фьючерстері барреліне 101,75 доллардан саудаланып, бағасы 2,04%-ға төмендеді. Америкалық WTI мұнайы 2,09%-ға арзандап, баррелі 98,20 доллар болды.
Urals маркалы ресейлік мұнайдың бағасы да айтарлықтай түсті. Оның баррелі 113,41 доллар болып, бір сессияда 6,74%-ға арзандады. Бұған дейін Urals бағасы 100 доллардан асып, мамырдан бергі ең жоғары деңгейге жеткен еді.
Нарыққа қысым жасап отырған негізгі факторлардың бірі – Сауд Арабиясының мұнай экспортын қалпына келтіруіне қатысты күтім. Корольдік инфрақұрылымына жасалған шабуылдардан кейін ел Ормуз бұғазы арқылы экспорт көлемін ұлғайтып, Шығыс-Батыс мұнай құбыры арқылы жеткізілімдегі іркілістердің орнын толтыра бастаған.
Мұнай бағасына АҚШ пен Иран арасындағы дипломатиялық байланыстарға қатысты үміт те әсер етіп отыр. Алайда Таяу Шығыстағы жағдай әлі де күрделі. АҚШ елшіліктері өңірдегі америкалық азаматтарды сақтық шараларын күшейтуге шақырған. Ал Иран тарапы АҚШ-тың ел аумағына жаңа соққылар жасау жоспары туралы ақпарат алғанын мәлімдеді.
Материал авторы
