RUS
ҚР ІІМ онлайн-қызметтері смартфонда іске қосылған сәттен бастап оларды 7 млн астам азамат, оның ішінде 5,3 млн автокөлік сатып алушылар мен сатушылар пайдаланған.
«Жыл сайын автокөлікті сатып алу-сатуды рәсімдеу және қайта тіркеу үшін Халыққа қызмет көрсету орталықтарына шамамен 6 млн адам келеді. Әрине ХҚКО-ға бару, кезек күту, көлік сатушысымен есеп айырысу үшін үлкен соманы алып жүру қолайсыздықтар туғызады. Осыған байланысты министрлік халыққа ыңғайлы болу үшін «Kaspi», «Halyk» және «Freedom» банктерінің мобильдік қосымшаларында автокөліктерді онлайн-қайта тіркеу бойынша сервисті іске қосты», - деді ҚР ІІМ баспасөз қызметінің өкілі Шұғыла Тұрлыбек министрліктің брифингінде.
Бұл сервис сатушы мен сатып алушыға автокөлікке салықтар мен айыппұлдарды тексеру мен төлеуден бастап, мемлекеттік нөмірді, оның ішінде «әдемі» нөмірді, ХҚКО-ны таңдауға дейінгі қызметтердің тұтас циклын ұсынады.
Қазіргі уақытта ІІМ осы қызметті «Centersredit», «Eurasian Bank», «Bereke Bank» және «ForteBank» мобильдік қосымшаларына шығару бойынша жұмыс жүргізіп жатыр.
Сонымен қатар ведомство онлайн-сервистер арқылы автокөлікті бастапқы тіркеуді іске қосуды жоспарлап отыр.