Астанада Chevrolet Cobalt жаяу жүргіншіні қағып кетті: оқиға видеоға түсіп қалған
Жол-көлік оқиғасы 5 қазанда Әуезов пен Сейфуллин көшелерінің қиылысында болып, жаяу жүргінші медициналық мекемеге жеткізілді.
SMARTNEWS.KZ басылымының хабарлауынша, Астанада Chevrolet Cobalt көлігінің жүргізушісі жолды белгіленген жерден кесіп өтіп бара жатқан жаяу жүргіншіні қағып кетті. Жол-көлік оқиғасы Әуезов пен Сейфуллин көшелерінің қиылысында болған. Бұл туралы Астана қаласы полиция департаментінің баспасөз қызметі жазды.
Оқиға 5 қазанда болған. Жол апатының видеосы әлеуметтік желіде тарады.
Полицияның мәліметінше, Chevrolet Cobalt көлігі Әуезов көшесімен келе жатып, Сейфуллин көшесіне қиылысында солға бұрылған. Осы кезде жүргізуші жолды белгіленген жерден кесіп өтіп бара жатқан жаяу жүргіншіге жол бермей, оны қағып кеткен.
«Chevrolet Cobalt жүргізушісі солға бұрылған кезде белгіленген жерден жолды кесіп өтіп бара жатқан жаяу жүргіншіге жол бермей, оны қағып кеткен», – деп хабарлады полиция.
Жол апаты салдарынан жаяу жүргінші медициналық мекемеге жеткізілді.
Оқиғаға қатысты көлік коммуналдық тұраққа қойылды. Қазір полиция жол-көлік оқиғасының мән-жайын анықтау үшін тексеру жүргізіп жатыр.
Материал авторы
