Астанада баламен сүйіскен әйелдің видеосы дауға ұласты
Полиция видеодағы әйел баланың анасы емес екенін анықтады.
SMARTNEWS.KZ басылымының хабарлауынша, қазақстандық әлеуметтік желілерде кішкентай балаға қатысты видео тарап, қоғамның қызу талқысына түсті.
Бейнежазбада әйелдің көліктің ішінде баламен орынсыз әрекет жасағаны көрінеді. Кадрлар әлеуметтік желілерде тарағаннан кейін қолданушылар арасында наразылық күшейді.
Кейін баланың анасы видеоның бастапқыда көңіл көтеру және жеке мақсатта түсірілгенін мәлімдеді. Оның айтуынша, ол бейнежазбаны жариялауға және көпшілікке таратуға рұқсат бермеген. Осыған байланысты анасы видеоны өшіруді талап еткен.
Оқиғаның Астанада болғаны анықталды.
Елорда полициясының мәліметінше, видеоны таратты деген күдікпен 23 жастағы әйел анықталған. Ол баланың анасының танысы болып шыққан. Қазір оның әрекетіне қатысты тексеру жүргізіліп, нәтижесінде құқықтық баға берілмек.
Сонымен қатар баланың анасының өзі де әкімшілік жауапкершілікке тартылған. Полиция оның баланың тәрбиесі мен қауіпсіздігін қамтамасыз ету жөніндегі міндеттерін тиісінше орындамағанын хабарлады.
Осылайша, әлеуметтік желіде кең тараған бейнежазбаға байланысты полиция видеоны таратқан әйелдің әрекетін тексеріп жатыр, ал баланың анасына қатысты әкімшілік шара қолданылған.
Материал авторы
