Бразилия құс тұмауының өршуіне байланысты төтенше жағдай жариялады

Құс тұмауын жұқтырудың жеті оқиғасы Эспириту-Санто штатында, тағы біреуі Рио-де-Жанейро штатында тіркелді.

Ел үкіметінің жануарларға байланысты төтенше жағдай жариялауы өте жұқпалы H5N1 вирусының таралуын болдырмау үшін шаралар қабылдауға мүмкіндік береді.

Бразилия - тауық етін әлемдегі ең ірі экспорттаушы ел. Оның жылдық сатылымы шамамен 10 млрд АҚШ долларын құрайды.

Билік өкілдері құс тұмауының Бразилияның оңтүстігіндегі негізгі өндірістік аймақтарынан алыс жерде анықталғанын айтты.

Елде сақтық шарасы ретінде 180 күн бойы денсаулық сақтау саласындағы төтенше жағдай жарияланды.