1074

Астанада кішкентай қызға қатысты оқиға бойынша қылмыстық іс қозғалды

Әлеуметтік желіде тұрғын үйлердің бірінде ер адам кішкентай қызға тиісті деген ақпарат тарады.

Астанада кішкентай қызға қатысты оқиға бойынша қылмыстық іс қозғалды
threads.com/@sideshova_a

SMARTNEWS.KZ басылымының хабарлауынша, Астанада әлеуметтік желіде тараған балаға қатысты оқиға тексеріліп жатыр. Жазба авторының мәліметінше, Бағыстан-4 тұрғын алабындағы үйлердің бірінде ер адам кішкентай қызға тиісуі мүмкін. Бұл туралы Qumash жазды.

Оқиға туралы ақпарат Threads әлеуметтік желісінде жарияланған. Жазба авторы балалардың қауіпсіздігіне алаңдаушылық білдіріп, жағдай күндіз болғанын айтқан.

Жарияланымда фотосуреттегі жас ер адам қыз балаға тиісуі мүмкін екені көрсетілген. Алайда бұл — әлеуметтік желіде жазба авторы келтірген мәлімет; оқиғаның нақты мән-жайын тергеу анықтауға тиіс.

Астана қаласының полиция департаменті осы дерек бойынша қылмыстық іс қозғалғанын растады.

«Оқиғаның барлық мән-жайын анықтау бойынша тергеу жүргізіліп жатыр», – деп хабарлады полиция.

Тергеу мүддесіне байланысты өзге ақпарат жарияланбайды. 

Материал авторы

Азиз Қалижан
Азиз Қалижан Редактор